Evelyn Fogwe Chibaka

Evelyn Fogwe Chibaka abigwééne i mbay le Mbatu-Mezam i Kamalôn. Mbôgi yé i suglu ikeñi insôk, abikuhul yo i ncep le 'Syntaxe générative', i mabôñ suglu ayé i Hamburg, i Jaman, ni mahôla ma hikuu hi mahôl le DAAD, i nwii 2001. Ingeñ ini dimpôdôl, Evelyn ayé Nkum malét i juu li yigil ni ndoñol i mahop, i mabôñ suglu a ôñi i Buéa, i loñ Kamalôn. Ikédé ncep wé u ndoñol yi, amabambal ndôñ i bitilna, hendigi i bikaat bimpémél i Kamalôn bé, ndi itôla yaga ni mumbul ma ndôñ i mapémhene ma bikaat ni minsélél i biloñ bipe. I ndôñ i minsélél i, yo ini le: minsim mi bikaat, mudga ma bikaat mampémél i bikék, ngaba i bitilna ikédé minsim mi bikaat, bitibhaga ndoñol i nonga bibuk, ndoñol i mahop inyu itéga minson mi tôbôtôbô - litédés dikuyenge di mahop ni njel i biudul bi hop to ni bi bititii, ndoñol i mahop kii kangéda libak ni niñ i biloñ, ni yigil i libak li Mbog ngwañnaga ni ngambi i minsongi, i het a bôñne yaga i dilo tini. I libak le abisal kikii nyéga gwém bi minsélél bibéngege litédés dikuyenge di mahop (minsélél mibitiba bigwelmoo ni mahôla ma 'Alexander von Humboldt (AvH) Stiftung Foundation', 'Volkswagen Stiftung Foundation (DOBES)', ‘International Center for Research and Documentation on African Traditions and Languages (CERDOTOLA)', mapanga ma nson Mabitiba ni mabôñ suglu nu ayé i Buea ntôn ni nonok Bobot i loñ Jaman i Kamalôn, inyu ikam mahol ma ngim i mambay i kéndi i Bugne-Jôp iyôôbak i ñño-mbok), amasiina mbom ni ndôñ i mahop, dikôm di Mbog, ni itédés biyaa-bi-libum bi Mbog, libok gwo ni lisôône gwo i manjel ni makenge ma ngambi minsongi.